ក្រុមកាំភ្លើងធំ Arsenal បានយកឈ្នះលើក្រុម West Brom បានក្នុងលទ្ធផល ៤-០ សម្រាប់ការប្រកួតពានរង្វាន់ English Premier League នៅយប់មិញនេះ។
ក្រុមរបស់លោក Mikel Arteta ហាក់ដូចជាស្វែងរកចំណុចលេងល្អរបស់ខ្លួនបានមកវិញហើយ។ ពួកគេបានទទួលជ័យជម្នះផ្ទួនៗគ្នាតែម្ដងនៅ៣ប្រកួតកន្លងមកនេះ ដែលធ្វើឱ្យលទ្ធផលក្នុងតារាងមានការប្រែប្រួលផងដែរ។ ដោយ៤គ្រាប់នោះរកបានដោយ Tierney ១គ្រាប់ Saka ១គ្រាប់ និងខ្សែប្រយុទ្ធ Lacazette ២គ្រាប់។ ចប់ការប្រកួត Arsenal បន្ដជ័យជម្នះរបស់ខ្លួន ក្នុងលទ្ធផល ៤-០ លើក្រុម West Brom ។
ការទទួលបាន៣ពិន្ទុបន្ថែមនេះ ធ្វើឱ្យ Arsenal ហក់ឡើងមកដល់លេខ១១ក្នុងតារាងហើយ ដោយចាញ់ក្រុមនៅតំបន់ Top4 ៣ពិន្ទុប៉ុណ្ណោះ ប៉ុន្តែគេនៅសល់១ប្រកួតក្នុងដៃ។ នៅខែមករានេះ កាំភ្លើងធំកំពុងស្វែងរកកីឡាករថ្មីបន្ថែមទៀតដើម្បីមកពង្រឹងក្រុមបន្ដ៕
ប្រភព៖ DailyMail