លោក Arsene Wenger បាននិយាយថាលោកនឹងត្រលប់មកដឹកនាំក្រុម Arsenal វិញ ប្រសិនបើក្លឹបកាំភ្លើងធំត្រូវការលោកមកជួយអំឡុងពេលលំបាកនេះ។Arsenal ក្រោមការដឹកនាំរបស់លោក Arteta ហាក់ដូចជាធ្វើមិនបានល្អឡើយ ដោយទើបតែឈ្នះវិញ២ប្រកួតនេះទេ ហើយស្ថិតនៅក្បែរបាតតារាងឯណោះ។
យ៉ាងណាមិញ ក្រោមការដឹកនាំរបស់អ្នកចាត់ការវ័យក្មេងនេះ ក្រុមកាំភ្លើងធំក៏មានគម្រោងក្នុងការទិញយកកីឡាករថ្មីនារដូវកាលនេះមកបន្ថែមទៀតដែរ។ ដោយរំពឹងថានឹងអាចស្ដារស្ថានភាពឡើងវិញបាន។
ក្នុងនោះដែរ លោក Wenger អតីតអ្នកចាត់ការច្រើនឆ្នាំរបស់ Arsenal បង្ហើបថាលោកនឹងព្រមត្រលប់មកជួយក្រុមវិញ ប្រសិនបើក្លឹបត្រូវការ។ ដោយបុរសសញ្ជាតិបារាំងនេះថា នេះជាពេលវេលាល្អណាស់ក្នុងការធ្វើជាគ្រូពេទ្យដើម្បីព្យាបាលក្លឹប៕
ប្រភព៖ DailyMail