សម្រាប់ការប្រកួតមុនបិទបញ្ចប់ឆ្នាំ២០២០ ក្រុម Real Madrid ធ្វើមិនបានល្អឡើយ ដោយលេងស្មើក្រុម Elche ក្នុងលទ្ធផល ១-១ ប៉ុណ្ណោះពានរង្វាន់ La Liga ។
ក្រុម Real Madrid មិនមានបញ្ហាកីឡាកររបួសទេ ហើយថែមទាំងរកគ្រាប់បាល់នាំមុខបានទៀត តែគួរឱ្យសោកស្ដាយ ពួកគេបែរជាភ្លាត់ឱ្យក្រុមElche ទទួលបានបាល់ប៉េណាល់ទីមួយគ្រាប់តាមស្មើទៅវិញ។ យ៉ាងណាមិញ លទ្ធផលទទួលបាន១ពិន្ទុនេះ ក៏មិនធ្វើឱ្យលោក Zidane បន្ទោសកីឡាករដែរ។
អ្នកចាត់ការបារាំងខាងលើបាននិយាយថា៖ “ខ្ញុំមានអារម្មណ៍មិនល្អទេ ព្រោះយើងមានឱកាសច្រើន ប៉ុន្តែយើងមិនបានសម្លាប់ការប្រកួតនេះ។ តែខ្ញុំក៏មិនគិតថាវាជារឿងអាក្រក់សម្រាប់ក្រុមដែរ។ ខ្ញុំសប្បាយចិត្តជាមួយសមាជិកក្រុមទាំងអស់ ដែលពួកគេក៏បានខិតខំសម្រាប់ការប្រកួតនេះដែរ”៕
ប្រភព៖ Marca