ក្រុមហង្សក្រហម Liverpool ប្រកួតចុងក្រោយនៃឆ្នាំ២០២០នេះ បែរជាមិនអាចយកជ័យជម្នះបាននោះទេ ពោលគឺត្រឹមបានស្មើជាមួយ Newcastle United ក្នុងលទ្ធផល ០-០ ប៉ុណ្ណោះ។
សម្រាប់ការប្រកួតខាងលើនេះដែរ Liverpool សម្រុកមែនទែន តែសំណាងមិនមានឡើយ ពោលគឺមិនអាចស៊ុតទម្លាយសំណាញ់ទីរបស់ក្រុម Newcastle United ឡើយ។ លទ្ធផលបានត្រឹមស្មើគ្នា ០-០ ប៉ុណ្ណោះសម្រាប់ការប្រកួតនេះ និងធ្វើឱ្យក្រុម Liverpool បញ្ចប់ឆ្នាំ២០២០ជាមួយលទ្ធផល១ពិន្ទុ។
១ពិន្ទុបន្ថែមនេះ ធ្វើឱ្យក្រុមរបស់លោក Klopp មានពិន្ទុលើសក្រុមលេខ២ Manchester United តែ៣ពិន្ទុប៉ុណ្ណោះ ខណៈដែលបិសាចក្រហមនៅសល់១ប្រកួតក្នុងដៃដែរ។ បើសិនក្រុមលោក Ole អាចឈ្នះ១ប្រកួតនោះបាន នឹងមានពិន្ទុស្មើក្រុមលេខ១ Liverpool ដែរហើយ៕
ប្រភព៖ DailyMail