ខ្សែការពារជម្រើសជាតិថៃ Theerathon Bunmathan បានចុះកុងត្រាបន្តជាមួយក្លឹប Yokohama F Marinos លេងនៅ J. League ដែលនេះមានន័យថានឹងបន្តស្នាក់នៅប្រទេសជប៉ុននារដូវកាលក្រោយ។
ក្លឹបបានប្រកាសតាមរយៈបណ្តាញទំនាក់ទំនងសង្គមផ្លូវការរបស់ខ្លួន ដែលក្រៅពី Theerathon កីឡាករនាំចូលពីរនាក់ទៀតគឺ Marcos Junior និង Thiago Martins ក៏បានចុះកិច្ចសន្យាបន្តផងដែរ។
#ティーラトン 選手 #マルコスジュニオール 選手 #チアゴマルチンス 選手が、2021年度の契約を更新しましたのでお知らせいたします。https://t.co/1OAEAE4X7T#fmarinos pic.twitter.com/BAnhdpcbKV
— 横浜F・マリノス【公式】 (@prompt_fmarinos) December 29, 2020
សេចក្តីថ្លែងការណ៍មួយពី Yokohama F Marinos ដែលត្រូវបានគេដកស្រង់សម្តីថា៖“ យើងមានសេចក្តីរីករាយ និងសូមប្រកាសថាកីឡាករ ៣ នាក់គឺ Theerathon, Marcos Junior និង Thiago Martins បានចុះកិច្ចសន្យាបន្តជាមួយក្រុមសម្រាប់រដូវកាល ២០២១” ។
Theerathon Bunmathan គឺជាកីឡាករសំខាន់ម្នាក់សម្រាប់ Yokohama ចាប់តាំងពីលេងខ្ចីជើងជាមួយក្លឹបនៅរដូវកាល ២០១៩ ។ អតីតកីឡាករ Buriram United រូបនេះបានជួយក្លិបឈ្នះការប្រកួត J1 ក្នុងរដូវកាល ២០១៩ ដែល Yokohama F Marinos បញ្ចប់ការប្រកួតដោយឈរកំពូលតារាងលើសមាន ៦ ពិន្ទុនាំមុខក្រុម FC Tokyo ដែលបានបញ្ចប់ក្នុងចំណាត់ថ្នាក់លេខ ២ ។
សម្រាប់រដូវកាល ២០២០ Yokohama F Marinos បានបរាជ័យក្នុងការការពារតំណែងដែលខ្លួនបានឈ្នះកាលពីរដូវកាលមុន ហើយ Kawasaki Frontale ជាជើងឯក។ ក្រុមរបស់លោក Ange Postecoglou ឈរលេខ៩ក្នុងតារាងលីគ ហើយខកខានឱកាសលេងក្នុងពានរង្វាន់ AFC Champions League រដូវកាល ២០២១ ។