ក្រុមកាំភ្លើងធំ Arsenal ទទួលបានជ័យជម្នះទៀតហើយនៅយប់មិញនេះ ដោយយកឈ្នះលើក្រុម Brighton ក្នុងលទ្ធផល ១-០ មុនដាច់ឆ្នាំ២០២០។ 
ក្រុម Arsenal ចាប់ផ្ដើមលេងល្អឡើងវិញ ក្រោយពីបានកោះហៅកីឡាករក្មេងៗជាច្រើននាក់មកជួយ។ តែបើទោះជា២ប្រកួតមកនេះ ឈ្នះទាំង២ប្រកួតក្ដី ប៉ុន្តែលោក Arteta បានបញ្ជាក់ថានឹងមិនប្ដូរគម្រោងក្នុងការទិញកីឡាករថ្មីមករួមក្រុមនៅខែមករាឡើយ។ លោកបានអះអាងថាក្លឹបនៅតែដាក់គោលដៅច្បាស់លាស់ក្នុងការទិញកីឡាករថ្មី ព្រោះបច្ចុប្បន្ននៅមានចំណុចប្រហោងច្រើន។
អ្នកចាត់ការដែលកន្លងមកក្ដៅកៅអីខ្លាំងនេះ បាននិយាយថា៖ “លទ្ធផលចុងក្រោយប៉ុន្មានប្រកួតនេះ មិនអាចផ្លាស់ប្ដូរចិត្តយើងបានឡើយ។ យើងនឹងបន្ដគម្រោងរបស់យើងទៀត យើងត្រូវការកីឡាករថ្មីមកបន្ថែមដើម្បីជួយក្រុមសម្រាប់ឆ្នាំក្រោយ”៕
ប្រភព៖ Goal