Costa ​សម្រេច​ចែក​ផ្លូវ​ជាមួយ AT Madrid ​ជា​ផ្លូវការ​ហើយ​

​ខ្សែ​ប្រយុទ្ធ Diego Costa ​បាន​សម្រេច​ចែក​ផ្លូវ​ជាមួយ​ក្លឹប Atletico Madrid ​ហើយ ​ក្រោយ​ពី​សាមី​ខ្លួន​ជា​អ្នក​ស្នើ​សុំ​ដើម្បី​ចាកចេញ​តែ​ម្ដង​។​Costa ​ដែល​ត្រូវ​ក្រុម AT Madrid ​នាំ​ចូល​មក​វិញ​លើក​នេះ ​មិន​ដូច​លើក​មុន​ទេ។

​ជាក់​ស្ដែង រូបគេ​រង​របួស​ជា​ច្រើន​និង​មិន​សូវ​មាន​ឱកាស​បាន​ចូល​លេង​ឡើយ ​ខណៈ​ដែល​ក្លឹប​ក៏​បាន​នាំ​យក​ខ្សែ​ប្រយុទ្ធ​កណ្ដាល Luis Suarez ​មក​ទៀត។ ដូច្នេះ​ហើយ ទើប​អតីត​កីឡាករ Chelsea ​រូប​នេះ​មិន​សូវ​មាន​ឱកាស​ដើម្បី​បង្ហាញ​សមត្ថភាព​ឡើយ។

​កត្ដា​នេះ​ហើយ ទើប​បាន​ជា​ថ្ងៃ​អាទិត្យ​សប្ដាហ៍​មុន រូបគេ​បាន​ស្នើ​សុំ​ដើម្បី​ផ្ដាច់​កុងត្រា​តែ​ម្ដង។ ដោយ​ឡែក​ថ្នាក់​ដឹក​នាំ​ក្លឹប​ក៏​បាន​ប្រជុំ​សម្រេច​កាល​ពី​ពេល​កន្លង​ទៅ ​ហើយ​លទ្ធផល​បាន​ចេញ​មក​ថា​ក្លឹប AT Madrid ​បាន​យល់​ព្រម​តាម​សំណើ​នោះ​ហើយ។ ចាប់​ពី​ពេល​នេះ​ទៅ Costa ​លែង​ជា​កីឡាករ AT Madrid ​ទៀត ​និង​អាច​ស្វែង​រក​ក្លឹប​ដែល​រូបគេ​ចង់​ទៅ​បាន៕

(201129) — VALENCIA, Nov. 29, 2020 (Xinhua) — Atletico de Madrid’s Players celebrate the goal during a Spainsh league match between Valencia CF and Atletico de Madrid at Estadio Mestalla in Valencia, Spain, Nov. 28, 2020. (Photo by Pablo Morano/ Xinhua)

ប្រភព៖ Marca

ភ្ជាប់ទំនាក់ទំនងជាមួយ CTS SPORT