ខ្សែប្រយុទ្ធ Marcos Rashford រកបាន១គ្រាប់ចុងម៉ោង ជួយក្រុមបិសាចក្រហម Manchester United យកឈ្នះលើក្រុម Wolves ក្នុងលទ្ធផល ១-០ សម្រាប់ការប្រកួតចុងក្រោយនៃឆ្នាំ២០២០។
ក្រុមបិសាចក្រហមសម្រាប់ការប្រកួតចុងក្រោយនៅឆ្នាំ២០២០នេះ ពិតជាមិនធ្វើឱ្យអ្នកគាំទ្រខកបំណងនោះទេ។ ពួកគេនៅតែអាចយកជ័យជម្នះបានដដែល លើក្រុម Wolves ប៉ុន្តែត្រូវរង់ចាំដល់នាទី៩០+៤ឯណោះ ទើបអាចយកជ័យជម្នះបាន។ ដោយ១គ្រាប់ចុងម៉ោងនោះ ធ្វើបានដោយ Rashford និងជាគ្រាប់ជ័យជម្នះតែម្ដង។
លទ្ធផលបាន៣ពិន្ទុបន្ថែមនេះ បានធ្វើឱ្យក្រុមបិសាចក្រហម ឡើងទៅលេខ២ក្នុងតារាង Premier League ហើយ ដោយចាញ់ក្រុមកំពូលតារាង Liverpool តែ២ពិន្ទុប៉ុណ្ណោះ៕
ប្រភព៖ DailyMail