ក្រុមអ្នកមានបុណ្យ FC Barcelona លេងបានត្រឹមស្មើជាមួយក្រុម Eibar ក្នុងលទ្ធផល ១-១ ប៉ុណ្ណោះសម្រាប់ការប្រកួតចុងក្រោយនៅឆ្នាំ២០២០នេះ។
ក្រុមអ្នកមានបុណ្យមិនមានវត្តមានរបស់ប្រធានក្រុម Lionel Messi ឡើយនៅយប់មិញ ដោយសារតែមានបញ្ហារបួសតិចតួច។ ខណៈដែលសមាជិកក្រុមដទៃទៀតវិញ លេងទល់ក្រុម Eibar ហាក់ដូចជាធ្វើមិនបានល្អសោះ ពោលគឺត្រូវក្រុមភ្ញៀវនាំមុខមុនទៀត ដោយ Kike នៅនាទី៥៧។ តែសំណាងល្អ Dembele រកគ្រាប់បាល់តាមស្មើវិញបាននៅនាទី៦៧។
ចប់ការប្រកួត Barcelona យកបានត្រឹម១ពិន្ទុប៉ុណ្ណោះសម្រាប់ការប្រកួតចុងក្រោយរបស់ពួកគេនៅឆ្នាំ២០២០នេះ។ ដោយឡែកបច្ចុប្បន្នក៏កំពុងឈរនៅលេខ៦ក្នុងតារាងថែមទៀត ដោយចាញ់ពិន្ទុក្រុមលេខ១ AT Madrid ដល់ទៅ៧ពិន្ទុ ហើយលើសការប្រកួត២ប្រកួតថែមទៀត៕
ប្រភព៖ Marca