នៅឯព្រឹត្តិការណ៍ Globe Soccer Awards ក្នុងទីក្រុងឌូបៃ ប្រទេសអារ៉ាប់រួមកាលពីចុងខែធ្នូកន្លងទៅ ក៏មិនខុសពីឆ្នាំមុនៗ ដោយតារាឆ្នើម Cristiano Ronaldo បានដឹកដៃសមាជិកគ្រួសារ ដែលមានគូស្នេហ៍អ្នកនាង Georgina Rodriguez និងកូនប្រុសច្បង Jr មកចូលរួម។
ទាំងការស្លៀកពាក់និងរបស់លំអខ្លួនសក្ដិសមជាគ្រួសារអភិជន ដែលមានទ្រព្យខ្ទង់ពាន់លានដុល្លារ ហើយបើបង្វែរទៅជ្រុងមួយ គឺនាឡិកាដៃរបស់កូនប្រុសច្បង Cristiano Ronaldo Jr ក៏មានតម្លៃមិនណយនោះដែរ។
តាមរបាយការណ៍ពី Insane Luxury ចុះផ្សាយថា កុមារអាយុ ១០ ឆ្នាំខាងលើ បានប្រើប្រាស់នាឡិកាជំនាន់ពិសេសម៉ាក Rolex GMT-Master II 116769TBR ប្រភេទ White Gold 18K លាយឡំនឹងគ្រាប់ពេជ្រដាំជាប់នោះជាច្រើនគ្រាប់។ សរុបជាសាច់ប្រាក់ សម្រាប់នាឡិកានៅនឹងដៃរបស់ Jr មួយនោះ គឺថ្លៃ ៥៦០ ០០០ ដុល្លារអាមេរិក។
ជុំវិញរឿងរ៉ាវនេះកំពុងធ្វើឲ្យអ្នកគាំទ្រចាប់អារម្មណ៍ថា Jr ហាក់ព្យាយាមធ្វើតាមឪពុករបស់ខ្លួនទាំងស្រុង មិនថាតែម៉ូតសក់ ការស្លៀកពាក់ ការអភិវឌ្ឍផ្នែកកាយសម្បទា និងចុងក្រោយសូម្បីតែគ្រឿងលំអខ្លួន ក៏កុម្ម៉ង់សុំឪពុកដែលជាសេដ្ឋីលុយវាល់លាននៅរបស់របរថ្លៃកប់ពពកផងដែរ៕
ប្រភព៖ Insane Luxury