នៅយប់មិញនេះ ការប្រកួតរវាងក្រុម Everton និង Manchester City ត្រូវផ្អាកទាំងស្រុង ក្រោយពីការមានការឆ្លងមេរោគកូវីដ១៩ ក្នុងសមាជិកក្រុមរបស់លោក Pep ។
មុនការប្រកួតចាប់ផ្ដើមកីឡាករនិងអ្នកពាក់ព័ន្ធទាំងអស់ត្រូវធ្វើតេស្ដរកមេរោគជាមុនសិន។ ជាលទ្ធផលឃើញថាសមាជិកក្រុម Man City ដល់ទៅ៣នាក់ឯណោះមានផ្ទុកមេរោគកូវីដ១៩។ កត្ដានេះហើយ ទើបធ្វើឱ្យការប្រកួតមិនអាចកើតឡើងឡើយ ពោលគឺរំសាយចោលមុន៥ម៉ោងប៉ុណ្ណោះ។
រំលឹកថាកន្លងមកសមាជិកក្រុម Man City ២នាក់ហើយដែលឆ្លងមេរោគគឺ Walker និង Jesus បូករួមជាមួយបុគ្គលិកក្នុងក្លឹប២នាក់ទៀត។ ក្រោយពីរកឆ្លង៣នាក់ទៀត នោះវាជាសញ្ញាបញ្ជាក់ថាក្នុងក្រុម Man City ជាការឆ្លងជាចង្កោមហើយ តម្រូវឱ្យម្នាក់ៗពិនិត្យសុខភាពបន្ដទៀត និងមិនអាចចូលប្រកួតបានឡើយ៕
ប្រភព៖ DailyMail