ក្រុម Everton នឹងត្រូវបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Manchester City នៅម៉ោង៣រំលងអាធ្រាត្រយប់នេះ សម្រាប់ការប្រកួតពានរង្វាន់ English Premier League ។
ក្រុម Everton កំពុងស្ថិតនៅលេខ២ក្នុងតារាង ដោយមានគម្លាតពីក្រុមលេខ១ Liverpool តែ៣ពិន្ទុប៉ុណ្ណោះ។ ស្របពេលក្រុម Manchester City វិញ នៅលេខ៦ តែចាញ់ពិន្ទុក្រុម Everton តែ៣ពិន្ទុទេ ឬ៦ពិន្ទុពីក្រុមកំពូលតារាង។ ដូច្នេះហើយការប្រកួតនៅរាត្រីនេះ នឹងស្វិតស្វាញមិនខាន ព្រោះក្រុមទាំងពីរត្រូវការជ័យជម្នះដូចគ្នា។
លោក Carlo Ancelotti បាននិយាយមុនការប្រកួតថា៖ “យើងមិនមែនជាក្រុមប្រជែងពានទេ វាជារឿងពិត។ នៅមានការប្រកួតច្រើនទៀតណាស់។ យើងសប្បាយចិត្តនៅលេខ២ ប៉ុន្តែគោលដៅរបស់យើងគឺរដូវកាលនេះត្រូវមានកៅអីនៅ Europa League ហើយវានឹងមិនផ្លាស់ប្ដូរឡើយ”៕ប្រភព Dailymail