ជម្លោះពាក្យសម្ដីរវាងខ្សែការពារ Sergio Ramos និងអ្នកចាត់ការ Jurgen Klopp របស់ក្រុម Liverpool នៅមិនទាន់ចប់ឡើយ ក្រោយពីខ្សែការពាររបស់ក្រុម Real Madrid បោះពាក្យ១ឃ្លាថែមទៀត
សប្ដាហ៍មុន Klopp បាននិយាយរិះគន់ចំពោះ Ramos ដូចទៅនឹងលើកមុន ដែលបានចោទខ្សែការពាររូបនេះ ថាលេងបាល់អាក្រក់ មិនសមជាកីឡាករអាជីព។ ឃើញការដៀមដាមយ៉ាងនេះហើយ ប្រធានក្រុម Real Madrid បានបាញ់សម្ដីទៅវិញភ្លាមថា ក្រោមការដឹកនាំរបស់លោក Klopp តាំងពីដើមមក ប្រហែលជាមិនទទួលបានជោគជ័យដូចអ្វីដែលខ្លួននិងសមាជិកផ្សេងទៀតបានធ្វើប៉ុន្មានឆ្នាំនេះឡើយ។
រំលឹកបន្តិចថា ការឈ្លោះគ្នាខាងលើនេះដែរ កើតឡើង ក្រោយពី Ramos បានប៉ះទង្គិចគ្នាជាមួយ Salah ខ្សែប្រយុទ្ធសំខាន់របស់ក្រុម Liverpool នៅវគ្គផ្ដាច់ព្រ័ត្រ UEFA Champions League ។ ដោយគ្រានោះ ក្រោយពីអវត្តមានរបស់កីឡាករអេហ្ស៊ីបដែលរងរបួសស្មាធ្ងន់ធ្ងរនោះទៅ Liverpool បរាជ័យក្រោមថ្វីជើង Real Madrid ៣-១៕ប្រភព៖ DailyMail
