មានមតិចម្រូងចម្រាសជាច្រើននៅរយៈពេលចុងក្រោយ ដោយខ្លះលើកឡើងថា Barcelona នឹងនាំយក Neymar មកអន្ទងចិត្ត Messi ឲ្យបន្តនៅ និងខ្លះទៀតក៏និយាយថា Messi អាចនឹងត្រូវបាន PSG ចរចានាំយកទៅទីក្រុងប៉ារីសរួមជើងជាមួយ Neymar។
ស្តាប់ទៅមានន័យថាអ្នកទាំងពីរ មានភាគរយប្រហែលអាចជួបគ្នាក្នុងពេលដ៏ខ្លីខាងមុខ ប៉ុន្តែសម្រាប់ការរួមជើងនៅ Barcelona គឺស្ថិតនៅភាគរយទាបបំផុត។ ដូច Messi បានលើកឡើងកន្លងទៅនេះថា Barcelona គ្មានលទ្ធភាពក្នុងការនាំយកកីឡាករប្រេស៊ីលមកនោះទេ បើមើលតាមស្ថានភាពហិរញ្ញវត្ថុបច្ចុប្បន្ន។
នៅបទសម្ភាសន៍ជាមួយ La Sexta កីឡាករវ័យ ៣៣ ឆ្នាំនិយាយ៖ “តើអ្នកអាចទូទាត់ឲ្យ Paris សម្រាប់ការផ្ទេរ [Neymar] មកដោយរបៀបណា វាមិនមែនជារឿងងាយទេ ហើយក៏នឹងជាស្ថានភាពដ៏លំបាកសម្រាប់ប្រធានក្លឹបថ្មីផងដែរ ហើយគឺទាមទារឲ្យអ្នកថ្មីគាត់វាងវៃ គាត់អាចផ្លាស់ប្ដូរគ្រប់យ៉ាងឲ្យដំណើរការរលូន”។
កីឡាករអាហ្សង់ទីនបន្ថែម៖ “វាពិតជាពិបាកក្នុងការនាំយកកីឡាករថ្មីចូលក្រុម ព្រោះពួកយើងត្រូវការលុយ ហើយពេលនេះគឺយើងគ្មានទេ ខណៈបច្ចុប្បន្នយើងក៏មានកីឡាករសំខាន់ខ្លះដែរ អ៊ីចឹងយើងតែត្រូវតស៊ូយកឈ្នះគ្រប់យ៉ាង ហើយអ្នកក៏ត្រូវទូទាត់ប្រាក់សម្រាប់ពួកគេដូចគ្នា”៕
ប្រភព៖ Goal