តារាឆ្នើម Cristiano Ronaldo បានបង្ហាញអារម្មណ៍ក្នុងចិត្តកាលពីពេលថ្មីៗនេះថា នៅពេលដែលគ្មានអ្នកគាំទ្រក្នុងកីឡដ្ឋាន គឺជារឿងធុញទ្រាន់មួយសម្រាប់លោក។
ជាការពិតកីឡដ្ឋានរាល់បណ្តាក្លឹបបាល់ទាត់ទាំងអស់ មិនត្រូវបានអនុញ្ញាតឲ្យមានមនុស្សចូលទស្សនាឡើយ គ្រាផ្ទុះជំងឺរាតត្បាត COVID-19 រយៈពេលជិតមួយឆ្នាំចុងក្រោយ ទើបតែថ្មីៗនេះបើកឲ្យមានមនុស្សចូលរួម ២០-៣០ ភាគរយផ្អែកតាមការកំណត់របស់ប្រទេសនីមួយៗ។
ដោយឡែកសម្រាប់កីឡាករព័រទុយហ្គាល់ ដែលទើបតែឈ្នះពានកីឡាករល្អបំផុតប្រចាំសតវត្ស បាននិយាយនៅកម្មវិធី Globe Soccer Awards នាថ្ងៃអាទិត្យថា៖ “សម្រាប់ខ្ញុំស្មោះត្រង់ទៅ ការដែលលេងដោយគ្មានមនុស្សក្នុងកីឡដ្ឋានជារឿងគួរឲ្យធុញទ្រាន់ តែពួកយើង កីឡាករ គឺគោរពដល់វិធានការទាំងអស់ ហើយសុខភាពជារឿងចម្បង តែគ្រាន់ថាស្មោះត្រង់ទៅខ្ញុំមិនចូលចិត្តបែបហ្នឹងទេ”។
លោកបន្ត៖ “ខ្ញុំចូលចិត្តពេលមនុស្សក្នុងកីឡដ្ឋានស្រែថា Cristiano ហើយពេលខ្ញុំប៉ះបាល់ ពួកគេស្រែកគឺខ្ញុំចូលចិត្តណាស់ ដោយសង្ឃឹមថានៅឆ្នាំ ២០២១ នឹងមានការផ្លាស់ប្តូរ ហើយយើងអាចឃើញកីឡដ្ឋានដ៏ស្រស់ស្អាតពោរពេញដោយអ្នកគាំទ្រវិញ”៕
ប្រភព៖ Goal