ក្លឹបហង្សក្រហម Liverpool បានត្រឹមស្មើ ១-១ ទល់ក្លឹប West Brom នៅឯកីឡដ្ឋាន Anfield ក្នុងការប្រកួតជុំទី ១៥ ក្របខ័ណ្ឌ Premier League។
ចំពោះលទ្ធផលស្មើបែបនេះ រាប់ថា West Brom ខ្លាំងហើយ ព្រោះ Anfield ជា “ទីលានមរ.ណៈ” ដែលក្លឹបជាច្រើនខ្លាចរអា ហើយភាគច្រើនចេញទៅវិញគឺរមែងស្ពាយភាពបរាជ័យ តែនេះ West Brom យកបាន ១ ពិន្ទុទៀតផង។
អ្នកចាត់ការលោក Sam Allardyce ៤ ប្រកួតចុងក្រោយ ទល់ Liverpool នៅ Anfield គឺលោកមិនដែលដឹកនាំចាញ់នោះទេ ពោលគឺឈ្នះ ១ ស្មើ ៣ ជាមួយការដឹកនាំក្លឹបបួនផ្សេងគ្នា រួមមាន Sunderland, Crystal Palace, Everton និង West Brom ចុងក្រោយនេះ។
ជាងនេះ West Brom ក៏បានបញ្ចប់កំណត់ត្រាឈ្នះបណ្តាក់គ្នារបស់ហង្សនៅ Anfield ផងដែរ នោះគឺ ៤១ ប្រកួត Liverpool ឈ្នះទាំង ៤០ និង ស្មើ ១ នៅប្រកួតយប់មិញ៕ ប្រភព៖ OptaJoe