លោក Pep Guardiola ជឿជាក់លើសមត្ថភាពរបស់ Phil Foden ថានឹងក្លាយជាកីឡាកររកគ្រាប់បាល់បានច្រើនសម្រាប់ក្រុម Manchester City នៅពេលខាងមុខនេះ។
ក្រុម Man City នារដូវកាលនេះពិបាកស្វែងរកគ្រាប់បាល់មែនទែន ក្រោយពីមានខ្សែប្រយុទ្ធរបួសច្រើនមក។ យ៉ាងណាមិញ ទល់ក្រុម Arsenal ក្រុមរបស់លោក Pep ហាក់ដូចជាលេងល្អឡើងវិញ ជាពិសេស Foden កីឡាករវ័យក្មេងរបស់ពួកគេតែម្ដង។ រូបគេជាអ្នកបង្កើតឱកាសនិងស្វែងរកគ្រាប់បាល់ជាញឹកញាប់ឱ្យក្រុម Man City កន្លងមកនេះ។
មើលឃើញដូច្នេះហើយ ទើបបានជាលោក Pep បានផ្ដល់ទំនុកចិត្តថារូបគេនឹងក្លាយជាកីឡាកររកគ្រាប់បាល់ទៀងទាត់ម្នាក់សម្រាប់ក្រុមមិនខាន។ ខណៈដែលបច្ចេកទេសរបស់គេវិញក៏ល្អ និងអាចនិយាយបានថាអនាគតក្លាយជាកីឡាករឆ្នើមម្នាក់នៅលើលោកនេះមិនខាន៕
ប្រភព៖ DailyMail