លោក Lampard អ្នកចាត់ការក្រុម Chelsea មិនសប្បាយចិត្តជាមួយការដែលក្រុមរបស់លោកលេងដល់ទៅ២ប្រកួត ក្នុងរយៈពេលត្រឹមតែ៤៨ម៉ោងនោះទេ ក្នុងការប្រកួតថ្ងៃ Boxing Day ។
ក្រុមតោខៀវ Chelsea នឹងត្រូវប្រកួតជាមួយក្រុមកាំភ្លើងធំ Arsenal មុនពេលប៉ះជាមួយក្រុម Aston Villa ទៀតនៅត្រឹមតែពេល៤៨ម៉ោងប៉ុណ្ណោះ។ កត្តាលេងជាប់គ្នានេះហើយ ទើបធ្វើឱ្យលោក Lampard មិនសប្បាយចិត្តនោះទេ ព្រោះនឹងធ្វើឱ្យកីឡាករប្រមូលកម្លាំងមិនទាន់ទេ។
ស្របពេលក្រុមដទៃទៀតដូចជា Man Utd ជាដើមនោះ មានពេល៣ថ្ងៃចន្លោះគ្នាសម្រាប់ការប្រកួត២ប្រកួតរបស់ពួកគេ និងក្រុម Liverpool , Spurs វិញមានពេលដល់៤ថ្ងៃឯណោះ។ រឿងនេះលោក Lampard ក៏បានបន្ទោសទៅអ្នករៀបចំកាលវិភាគប្រកួតរួចហើយក៏ដោយ។ ក្រុម Chelsea បច្ចុប្បន្នស្ថិតនៅលេខ៥ក្នុងតារាង Premier League ដោយដាច់៦ពិន្ទុក្រោមក្រុមលេខ១ Liverpool ៕
ប្រភព៖ Goal