ក្រុម Leicester City នឹងត្រូវប្រកួតជាមួយក្រុមបិសាចក្រហម Manchester United សម្រាប់ការប្រកួតពានរង្វាន់ English Premier League នៅម៉ោង៧:៣០នាទីល្ងាចនេះ។
សម្រាប់ការប្រកួតនេះដែរ គឺជាការប៉ះគ្នារវាងក្រុមលេខ២និងលេខ៣ ដែលត្រូវការពិន្ទុដូចគ្នាសម្រាប់យកទៅប្រជែងជាមួយក្រុមលេខ១ Liverpool ។ មុនការប្រកួតនេះចាប់ផ្ដើម លោក Brendan Rodgers បានអះអាងថាក្រុមលោកគ្មានបញ្ហាអ្វីសម្រាប់ការប្រកួតនេះទេ ហើយបច្ចុប្បន្នក៏ស្ថិតក្នុងតំបន់សុវត្ថិភាពមួយផងដែរ។
អតីតអ្នកចាត់ការក្រុម Liverpool ខាងលើនេះបាននិយាយទៀតថា៖ “គ្រីស្មាសលើកនេះខុសពីគ្រីស្មាសលើកមុន។ យើងមានអារម្មណ៍ខុសគ្នា កីឡាករជឿជាក់ថាលើកនេះយើងនឹងធ្វើបានល្អ។ យើងមានទំនុកចិត្តខ្ពស់ក្នុងការឈ្នះការប្រកួត ដូចកាលប៉ះជាមួយក្រុម Spurs ដែលយើងអាចទទួលជ័យជម្នះដែរ។ ខ្ញុំជឿជាក់កីឡាករយើងនឹងធ្វើបានល្អមិនខាន”៕
ប្រពភ៖ DailyMail