លោក Jose Mourinho បានអះអាងថាក្រុមរបស់លោកជួបការប្រកួតលំបាកច្រើនមែនទែននៅពេលកន្លងមកនេះ ដែលធ្វើឱ្យមានការបាត់បង់ពិន្ទុច្រើន។ដោយក្នុងចំណោម៥ប្រកួតកន្លងមកនេះ គឺក្រុមរបស់លោកបានប្រកួតជាមួយក្រុមខ្លាំងដល់ទៅ៤ទៅហើយ។
កត្តានេះហើយ ទើបលោក Jose Mourinho អះអាងថានេះមិនមែនជារឿងងាយស្រួលទេក្នុងការប្រកួតប្រជែងនៅលីគអង់គ្លេស ព្រោះការប្រកួតទាំងអស់សុទ្ធតែពិបាក។ ខណៈដែលចុងសប្ដាហ៍នេះ ពួកគេនឹងត្រូវតតាំងជាមួយក្រុម Wolves ថែមទៀត។
លោក Jose Mourinho បាននិយាយមុនការប្រកួតនៅរាត្រីនេះថា៖ “គ្រប់ការប្រកួតគឺតែងតែពិបាក។ ខ្ញុំជឿថា Wolves កំពុងប្រជែងយក Top6 ។ យើងបានឆ្លងកាត់ការប្រកួតជាមួយក្រុមខ្លាំងៗជាច្រើនកន្លងមកនេះ ហើយពេលនេះនឹងមានអ្នកខ្លះថាយើងនឹងប៉ះជាមួយក្រុមខ្សោយៗខ្លះមិនខាន”៕
ប្រភព៖ Goal