Mauricio Pochettino គឺជាបេក្ខភាពឈានមុខគេក្នុងការទៅដឹកនាំក្រុម PSG បន្ដ ក្រោយពីក្លឹបនេះសម្រេចដកលោក Thomas Tuchel ចេញកាលពីម្សិលមិញ។ក្រុម PSG កំពុងស្វែងរកអ្នកចាត់ការថ្មី ដោយក្នុងនោះពួកគេទំនងជាយកលោក Mauricio Pochettino ហើយ ព្រោះអ្នកចាត់ការរូបនេះមិនទាន់មានការងារនៅឡើយទេ។
ដោយឡែកអតីតកីឡាកររបស់ខ្លួនម្នាក់នេះ ក៏ធ្លាប់អះអាងថាចង់ទៅដឹកនាំក្រុម PSG នៅថ្ងៃណាមួយដែរ កាលពីឆ្នាំ២០១៦កន្លងទៅ។ ស្របពេលនេះ គឺជាវេលាល្អបំផុតហើយក្នុងការធ្វើឱ្យក្ដីស្រមៃរបស់គេក្លាយជាការពិត។
រយៈពេលជាង១ឆ្នាំមកហើយ ដែលបុរសសញ្ជាតិអាហ្សង់ទីនខាងលើមិនទាន់ទទួលការងារនៅឡើយទេ។ កន្លងមក មានដំណឹងជាច្រើនថា Pochettino អាចទំនងជាទៅដឹកនាំ Real Madrid ជំនួសតំណែង Zidane ឬទៅដឹកនាំក្រុម Man Utd ជំនួសតំណែងលោក Ole ជាដើម។ តែចុងក្រោយមកដល់ពេលនេះនៅមិនទាន់មានអ្វីប្រាកដមួយនៅឡើយទេ៕
ប្រភព៖ DailyMail