ក្លឹប Liverpool បានរាយការណ៍ទៅប៉ូលិស បន្ទាប់ពីបានឃើញវីដេអូមួយដែលអ្នកគាំទ្រថតបាន ពេល Salah លេងទូរសព្ទពេលកំពុងបើកបរ។
វីដេអូនោះ ត្រូវបានចែកចាយជាច្រើននៅលើបណ្ដាញសង្គម ដែលបានបង្ហាញយ៉ាងច្បាស់ថា Salah ប្រើទូរសព្ទ អំឡុងពេលបើកបរ ដែលនេះជាអំពើខុសច្បាប់។ ដោយវីដេអូថតបាននោះ គឺក្រុមអ្នកគាំទ្រក្មេងៗរបស់ក្លឹបជាអ្នកថតបាន ពេលពួកគេព្យាយាមទៅសុំថតរូបជាមួយខ្សែប្រយុទ្ធអេហ្ស៊ីបខាងលើនេះ។ ប៉ូលិសនៅតំបន់ Merseyside កំពុងសើបចំពោះរឿងប្រើទូរសព្ទ ពេលបើកបរនេះ ខណៈ ដែលក្លឹប Liverpool ក៏បានរាយការណ៍ទៅប៉ូលិស ដើម្បីផាកពិន័យផងដែរ។
ច្បាប់បើកបរនៅអង់គ្លេស បានដាក់បម្រាមមិនឱ្យអ្នកបើកបរប្រើទូរសព្ទឡើយ ពេលកំពុងកាន់ដៃចង្កូតឡាន។ ដោយអ្នកបើកបរ ហាមដាច់ខាតប្រើទូរសព្ទ បើទោះជាកំពុងជាប់ស្ដុបក្រហម ឬអត់ក៏ដោយ។ ប្រសិនបើរកឃើញថាខុសច្បាប់នេះមែន ជនដែលប្រើទូរសព្ទនោះនឹងត្រូវពិន័យ២០០ផោន៕ប្រភព៖ DailyMail