ខ្សែការពារ Kieran Trippier ត្រូវជាប់ពិន័យ១០សប្ដាហ៍ ក្រោយពីរកឃើញថារូបគេលេងល្បែងភ្នាល់ ដែលជារឿងល្មើសច្បាប់កីឡា។
សហព័ន្ធបាល់ទាត់អង់គ្លេស បានសម្រេចចិត្តពិន័យលើកីឡាករវ័យ៣០ឆ្នាំ បន្ទាប់ពីរកឃើញថារូបគេលួចលេងល្បែងភ្នាល់។ ដោយ១០សប្ដាហ៍ដែលពិន័យនេះ គឺរូបគេមិនអាចសូម្បីតែចូលហាត់ជាមួយក្រុម Atletico Madrid ។ ដោយឡែករយៈពេលដ៏យូរនេះ នឹងធ្វើឱ្យរូបគេខកខានបង្ហាញខ្លួនដល់ទៅ១៣ប្រកួតឯណោះ មានទាំង La Liga , Copa del Rey និង UEFA Champions League ។
Trippier អាចនឹងចូលលេងបានវិញ ឱ្យក្រុម AT Madrid នៅពេលប៉ះជាមួយក្រុម Real Madrid ឬ ការលេងជើងទី២នៃពានរង្វាន់ UEFA Champions League ទល់ក្រុម Chelsea ៕
ប្រភព៖ Marca