ប្រធានក្រុម Harry Maguire មានទំនុកចិត្តថាក្រុម Manchester United មានសមត្ថភាពគ្រប់គ្រាន់ក្នុងការឈ្នះពានរង្វាន់ Carabao Cup បាននៅរដូវកាលនេះ។
នៅយប់មិញនេះ Man Utd យកឈ្នះលើក្រុម Everton បានក្នុងលទ្ធផល ២-០ ដើម្បីឡើងទៅវគ្គពាក់កណ្ដាលផ្ដាច់ព្រ័ត្រ ហើយប៉ះជាមួយក្រុម Manchester City នៅដើមខែមករាឆ្នាំ២០២១ខាងមុខ។ មុនការប្រកួតជំនួប Manchester Derby ចាប់ផ្ដើម ខ្សែការពារ Maguire មានទំនុកចិត្តថាបិសាចក្រហមនឹងធ្វើបានល្អជាក់ជាមិនខាន។
កីឡាករជម្រើសជាតិអង់គ្លេសបាននិយាយថា៖ “ពេលអ្នកលេងឱ្យ Manchester United អ្នកត្រូវតែគិតពីការឈ្នះពានរង្វាន់។ ឆ្នាំនេះ យើងបានឡើងវគ្គពាក់កណ្ដាលផ្ដាច់ព្រ័ត្រក្នុងការប្រកួតពានមួយហើយ។ ខ្ញុំសង្ឃឹមថានឹងយកពានរង្វាន់ Carabao Cup នេះបានសម្រាប់អ្នកគាំទ្រ”៕
ប្រភព៖ DailyMail