ក្លិបបាល់ទាត់ អាស៊ី អឺរ៉ុប យូណាយធីត នៅថ្ងៃនេះបានបង្ហាញគំរូឯកសណ្ឋានប្រកួតផ្លូវការរដូវកាលឆ្នាំ២០២១របស់ខ្លួនដែលមាន ឈុតក្នុងដី និងឈុតក្រៅដី។
សម្រាប់ឈុតក្នុងដីមានពណ៌ខៀវ (អាវខៀវ ខោខ្មៅ)ហើយឈុតក្រៅដីអាវលឿងនិងខ្មៅដដែល។ ឈុតរដូវកាលនេះគឺជាផលិតផលរបស់ក្រុមហ៊ុនផលិតសម្លៀកបំពាក់កីឡាដ៏ល្បីនៅកម្ពុជា TN Sport។ ក្លិបបានប្រកាសដែរថា សម្រាប់ឈុតអ្នកគាំទ្រសម្រាប់ប្រកួតផ្លូវការរដូវកាលឆ្នាំ២០២១ នឹងចេញលក់ក្នុងពេលឆាប់ខាងមុខនេះ។
ក្លិបបាល់ទាត់ អាស៊ី អឺរ៉ុប យូណាយធីតបានក្លាយជាក្លិបទី៣នៅកម្ពុជាដែលបង្ហាញឈុតរដូវកាលថ្មីរបស់ខ្លួន បន្ទាប់ពីក្លិបមានមូលដ្ឋាននៅខេត្តសៀមរាបបានបង្ហាញឈុតថ្មីរបស់ខ្លួនកាលពីសប្ដាហ៍មុន។ ដោយឡែកក្លិបដទៃទៀត មិនទាន់មានដំណឹងនោះទេ តែឆាប់ៗនេះពួកគេនឹងបង្ហាញឲ្យដឹងមិនខាន ខណៈដែលក្លិបនគរបាលជាតិបង្ហាញឈុតហ្វឹកហាត់៕