ក្រុម Real Madrid បានយកឈ្នះលើក្រុម Granada ក្នុងលទ្ធផល ២-០ សម្រាប់ការប្រកួតពានរង្វាន់ La Liga នៅយប់មិញនេះ។សម្រាប់ការប្រកួតខាងលើនេះដែរ ក្រុម Real Madrid មិនអាចធ្វើអ្វីក្រុម Granada បានទេ សម្រាប់ការប្រកួតនៅតង់ទី១។
ដោយត្រូវរង់ចាំដល់តង់ទី២ ទើប Casemiro អាចរកបាន១គ្រាប់នៅនាទី៥៧ ហើយនៅជិតចប់ការប្រកួតទៅហើយនាទី៩០+៣ ទើប Benzema ថែមបាន១គ្រាប់ទៀត ដើម្បីយកឈ្នះក្នុងលទ្ធផល ២-០។
បើទោះជាយ៉ាងនេះក្ដី អ្នកចាំទី Courtois បានមើលឃើញថាក្រុម Real Madrid លេងមិនបានល្អដូចប្រកួតរាល់ដងនោះទេ។ កីឡាករបែលហ្សិកខាងលើនេះ បាននិយាយថា៖ “Granada ធ្វើបានល្អណាស់ ពួកគេបានធ្វើឱ្យយើងពិបាកជាមួយការតាមដេញបាល់យ៉ាងលឿន។ វាមិនមែនជាប្រកួតល្អបំផុតរបស់យើងទេ ប៉ុន្តែការឈ្នះការប្រកួតក៏ជារឿងសំខាន់ផងដែរ”៕
ប្រភព៖ Marca