• Man Utd ត្រូវ​ជួប Man City នៅ​វគ្គ ៤ ក្រុម​ចុង​ក្រោយ​ពាន Carabao Cup

    ការ​ប្រកួត​នៅ​វគ្គ ៨ ​ក្រុម​ចុង​ក្រោយ​ពាន Carabao Cup បាន​បញ្ចប់​ទៅ​កាល​ពី​យប់​មិញ ជា​លទ្ធផល​គឺ United បាន​យក​ឈ្នះ​ទៅ​លើ Everton ២-០ ហើយ Spurs ឈ្នះ Stoke City ៣-១។

    ជា​ការ​ផ្គូផ្គង​ City នឹង​ត្រូវ​ប៉ះ​គ្នា​ទល់ United ខណៈ Spurs ត្រូវ​ជួប​ក្រុម​ Brentford ហើយ​ការ​ប្រកួត​ធ្វើ​ឡើង​នៅ​ថ្ងៃ​ទី ៥ មករា ឆ្នាំ ២០២១ និង​លេង​តែ​មួយ​ជើង​ប៉ុណ្ណោះ។

    គួរ​រំឭក​ថា​ព្រឹត្តិការណ៍ EFL Cup នៅ​រដូវ​កាល​នេះ មិន​ប្រព្រឹត្តិ​ទៅ​ពីរ​ជើង​ដូច​ឆ្នាំ​ទៅ​ឡើយ ​ព្រោះ​ដោយសារ​ភាព​យឺតយ៉ាវ​នៃ​ការ​ចាប់ផ្តើម​រដូវ​កាល ​ក្រោយ​ផ្ទុះ​ជំងឺ COVID-19។ ចំពោះ​វគ្គ​ផ្តាច់ព្រ័ត្រ​នឹង​ធ្វើ​ឡើង​នៅ​ថ្ងៃ​ទី​ ២៨ ​កុម្ភៈ ឆ្នាំ ២០២១ ហើយ​កាល​ពី​ឆ្នាំ​ទៅ Man City គឺ​ជា​អ្នក​ការពារ​ជើង​ឯក៕

    ភ្ជាប់ទំនាក់ទំនងជាមួយ CTS SPORT