ក្លិបបាល់ទាត់វិសាខាបានបញ្ចេញគំរោងសាងសង់មជ្ឈមណ្ឌលហ្វឹកហាត់បាល់ទាត់(សាលាបាល់ទាត់យុវជនថ្នាល)ដែរលមានឈ្មោះថា THE DREAM VISAKHA TRAINING CAMP ។
គម្រោងនេះស្ថិតក្នុងរាជធានីភ្នំពេញដែលសាងសង់លើផ្ទៃដីជាង៤ហិចតា ដែលមានទីលានលំដាប់ខ្នាតអន្តរជាតិចំនួនបីដែលក្នុងនោះក្រាលស្មៅធម្មជាតិ២និងស្មៅសិប្បនិមិត្តចំនួន១។ ពិសេសពួកគេនឹងសាងសង់តារាងបែប Indoor សម្រាប់លេងក្នុងស្ថានភាពអាកាសធាតុមិនអំណោយផលថែមទៀត។
ក្នុងមជ្ឈមណ្ឌលបាល់ទាត់នេះនឹងមាន អាគាររដ្ឋបាលសម្រាប់បុគ្គលិកបំពេញការងារ សាលប្រជុំ សាលសន្និសីទ មានកន្លែងហ្វឹកហាត់ បន្ទប់រៀនសម្រាប់យុវជន បន្ទប់វិភាគបាល់ទាត់ បន្ទប់ស្នាក់នៅរបស់គ្រូបង្វឹក និងកីឡាករ មានបន្ទប់សម្រាប់សំពះព្រះទាំងពុទ្ធសាសនា ឥស្លាមសាសនា អាហារដ្ឋាន បន្ទប់ថែរទាំងសម្លៀកបំពាក់និងស្បែកជើង បន្ទប់ស្ទីមសូណា និងកន្លែងហាត់ប្រាណក្នុងខណៈ Outdoor Crossfit៕
ប្រភពរូបថត៖ ក្លិបវិសាខា