ខ្សែប្រយុទ្ធ Lionel Messi បានបំបែកកំណត់ត្រារកគ្រាប់បាល់បានច្រើនបំផុតក្នុង១ក្លឹប របស់ Pele បានហើយ ក្រោយពីបន្ថែម១គ្រាប់ទៀតនៅយប់មិញ។ក្រុមអ្នកមានបុណ្យ FC Barcelona បានយកឈ្នះលើក្រុម Real Valladolid ក្នុងលទ្ធផល ៣-០ ក្នុងការប្រកួត La Liga នៅយប់មិញនេះ។
ដោយក្នុងចំណោម៣គ្រាប់នោះ ក៏មាន១គ្រាប់របស់ Messi ផងដែរ។ បន្ថែម១គ្រាប់នេះទៀត បានធ្វើឱ្យខ្សែប្រយុទ្ធរូបនេះរកបាន៦៤៤គ្រាប់ហើយឱ្យក្រុមមួយនេះ ហើយវាក៏បានបំបែកកំណត់ត្រារបស់ Pele វីរបុរសបាល់ទាត់ប្រេស៊ីលផងដែរ។
Pele កាលលេងឱ្យក្រុម Santos គឺរកបានចំនួន៦៤៣គ្រាប់។ ដោយឡែកនៅពេលនេះ Messi បានបំបែកវាទៅហើយ ដោយរូបគេរកបាន៦៤៤គ្រាប់ក្នុងនាមជាកីឡាករលេងឱ្យតែមួយក្រុម៕
ប្រភព៖ DailyMail