ក្លឹប Juventus បានរងបរាជ័យក្រោមលទ្ធផល ៣-០ ទល់ក្លឹប Fiorentina ជាមួយការលេងគ្នា ១០ នាក់ទល់ ១១ នាក់ ក្រោយពេល Juan Cuadrado រងពិន័យកាតក្រហមនៅតង់ទីមួយ។
ជាមួយការបាត់បង់ ៣ ពិន្ទុនេះ សម្រាប់ក្លឹបដឹកនាំដោយលោក Andrea Pirlo ក៏បាត់បង់ឱកាសបន្តកំណត់ត្រាមិនស្គាល់ពាក្យថា “ចាញ់” ក្នុងលីគផងដែរ និងចុងក្រោយគឺសល់តែក្លឹប AC Milan មួយប៉ុណ្ណោះ ដែលអាចរក្សាកំណត់ត្រាដ៏អស្ចារ្យខាងលើ។
យ៉ាងណាមិញនៅវេលាម៉ោង ០២:៤៥ នាទីរំលងអាធ្រាត្រឈានចូលថ្ងៃទី ២៤ ធ្នូ AC Milan ក៏នឹងមានភារកិច្ចសំខាន់ ត្រូវជួបក្លឹប Lazio ហើយប្រសិនពួកគេឈ្នះឬស្មើទៀត វាប្រាកដជារឿងដ៏ល្អមើលសម្រាប់សប្តាហ៍បន្តបន្ទាប់ទៀត មួយផ្សេងទៀតឱកាសឆ្ពោះទៅការលើកពាន Serie A ក៏កាន់តែសង្ឃឹមច្រើនដែរ៕