លោក Jose Mourinho កំពុងទាក់ទងចង់បានខ្សែបម្រើ Marcel Sabitzer របស់ក្រុម RB Leipzig មករួមក្រុមនៅខែមករាខាងមុខនេះ ជាមួយតម្លៃខ្លួន៤៥លានផោន។
លោក Jose សម្លឹងឃើញទម្រង់លេងល្អរបស់ Sabitzer តាំងពីរដូវកាលមុនមកម្ល៉េះ ប៉ុន្តែដោយសារតម្លៃខ្លួនរបស់គេខ្ពស់ពេកទើបមិនអាចទិញយកបានកាលពីរដូវកាលដោះដូរកីឡាករកន្លងទៅ។ យ៉ាងណាមិញនាពេលនេះ RB Leipzig ហាក់ដូចជាបន្ថយតម្លៃតិចហើយ ដើម្បីអាចលក់រូបគេចេញ យកប្រាក់មកទប់ទល់វិបត្តិដែលកើតមានឡើងអំឡុងពេលកូវីដ១៩នេះ។ ដោយកុងត្រានៅសល់ដល់ឆ្នាំ២០២២ តម្លៃខ្លួនរបស់គេទំនងជាមានដល់៤៥លានផោន។
ក្រុម Spurs ចង់បានកីឡាករខាងលើមកដើម្បីជំនួសតំណែងរបស់ Tanguy Ndombele ដែលទំនងជាត្រូវចាកចេញ ក្រោយពីក្រុម Barcelona ចាប់អារម្មណ៍។ តែយ៉ាងណា ត្រូវរង់ចាំមើលដល់ខែមករាសិន ថាតើនឹងមានការផ្លាស់ប្ដូរយ៉ាងណា ព្រោះទីផ្សារដោះដូរនឹងបើកនាពេលនោះ៕
ប្រភព៖ DailyMail