ក្រុមសេះបង្កង់ Juventus ចាប់ផ្ដើមចូលខ្លួនប្រជែងយកខ្សែប្រយុទ្ធ Memphis Depay ដែរហើយ ក្រោយពីក្រុម Barcelona បានដាក់គោលដៅយករូបគេឱ្យបាននៅពេលខាងមុខនេះ។
Depay ជាខ្សែប្រយុទ្ធឆ្នើមម្នាក់របស់ក្រុម Lyon ។ កាលពីរដូវកាលដោះដូរកីឡាករកន្លងទៅ Barcelona ក្រោមការដឹកនាំរបស់លោក Ronald Koeman បានស្នើសុំទិញរូបគេដែរ ប៉ុន្តែមិនអាចសម្រេចផលបាន។ ដោយឡែកនៅខែមករាខាងមុខនេះ ក្រុមអ្នកមានបុណ្យក៏មានបំណងចង់ដេញថ្លៃម្ដងទៀត ដើម្បីយកកីឡាករហុល្លង់នេះមករួមក្រុមផងដែរ។ នៅខែមករា តម្លៃខ្លួនរបស់គេនៅសល់ត្រឹមតែ៤,៥លានផោនប៉ុណ្ណោះ។
ឃើញតម្លៃថោកនេះហើយ ទើបក្រុម Juventus ក៏ចាប់ផ្ដើមចូលខ្លួនចរចាផងដែរ។ លោក Andrea Pirlo អ្នកចាត់ការក្រុមចង់បាន Depay មកនេះ គឺដើម្បីជាជម្រើសមួយការពារខ្លាច Morata ឬ Dybala របួស៕
ប្រភព៖ DailyMail