ខ្សែប្រយុទ្ធ Salah កំពុងមិនសប្បាយចិត្តនៅក្រុម Liverpool នោះទេ ហើយក៏មានចិត្តចង់ចាកចេញពីអង់គ្លេសនាពេលខាងមុខនេះផងដែរ។បើតាម Mohamed Aboutrika មិត្តរួមសញ្ជាតិអេហ្ស៊ីបបានបង្ហើបថា Salah ចង់ចេញពី Liverpool ក្រោយរូបគេមិនសប្បាយចិត្ត។
ខណៈដែលក្លឹបផ្ទាល់ក៏ទំនងជាលក់រូបគេចេញនាពេលខាងមុខនេះផងដែរ ជាមួយការចង់បានពីក្លឹបជាច្រើន។ ដោយឡែកសូម្បីសាមីខ្លួនកន្លងទៅនេះ ក៏បង្ហើបពីការចង់ទៅលេងនៅអេស្ប៉ាញផងដែរ ដោយអាចជា Real Madrid ឬ FC Barcelona ។
សម្រាប់ហេតុផលចង់ចេញនេះគឺដោយសារតែ Salah មិនពេញចិត្តជាមួយការសម្រេចរបស់លោក Jurgen Klopp ដែលមិនបានឱ្យរូបគេធ្វើជាប្រធានក្រុមកាលប្រកួតជាមួយ Midtjylland ក្នុងពានរង្វាន់ UEFA Champions League។ ដោយប្រកួតនោះ លោក Klopp បានដាក់ឱ្យ Arnold ធ្វើជាប្រធានក្រុមវិញ៕
ប្រភព៖ DailyMail