ក្រុម Real Madrid ចាប់ផ្ដើមទម្រង់លេងល្អឡើងវិញហើយ ក្រោយពីយប់មិញនេះយកឈ្នះលើក្រុម Eibar បាន ៣-១ ដើម្បីឡើងទៅចំណាត់ថ្នាក់លេខ២ក្នុង La Liga ។
ខ្សែប្រយុទ្ធ Karim Benzema រកគ្រាប់បាល់បានតាំងពីនាទីទី៦នៅដើមតង់ទី១ មុនពេល Luka Modric ថែមបានគ្រាប់ទី២ទៀតនៅនាទី១៣។ យ៉ាងណាមិញ មុនបញ្ចប់តង់ទី១ Eibar ក៏រកគ្រាប់បាល់បានពីក្រោយ១គ្រាប់មកវិញដែរ ដោយ kike នៅនាទី២៨។ សម្រាប់តង់ទី២វិញ នៅនាទី៩០+២ ទៅហើយ ទើប Vázquez ថែមបាន១គ្រាប់ទៀត ដើម្បីយកឈ្នះក្នុងលទ្ធផល ៣-១ ។
ឃើញថាតាំងពីមានដំណឹងកៅអីរបស់ Zidane ក្ដៅមក ក្រុម Real Madrid ចាប់ផ្ដើមលេងល្អខ្លាំងមែនទែនតែម្ដង។ ជាក់ស្ដែង ប៉ុន្មានប្រកួតមកហើយ ពួកគេបន្ដជ័យជម្នះរហូត និងអាចឡើងដល់លេខ២ក្នុងតារាង La Liga ហើយ៕
ប្រភព៖ DailyMail