ប្រធានក្រុមរបស់ Liverpool គឺកីឡាករ Jordan Henderson ត្បិតបើកំពុងរួមជើងជាមួយកីឡាករកំពូលៗជាច្រើន ប៉ុន្តែការជ្រើសរើសកីឡាករដែលល្អបំផុតនៅឆ្នាំ ២០២០ លោកបែរជាចុចឈ្មោះសមាជិកក្រុមមួយផ្សេងទៀតវិញ។
នោះគឺ Jack Grealish ដែលជាគោលដៅរបស់ក្លឹប Man Utd និងជាកីឡាករកំពុងឈរជើងឲ្យក្លឹប Aston Villa ដែលស្ថិតក្នុងការជ្រើសរើស នាមជាកីឡាករល្អបំផុតប្រចាំឆ្នាំ ២០២០ របស់ Henderson។
កីឡាករអង់គ្លេសនិយាយ៖ “Jack Grealish គឺពិតជាធ្វើបានល្អខ្លាំងណាស់កន្លងមកនេះ ខ្ញុំគិតថាគេពង្រឹងច្រើន ហើយចាស់ទុំជាងមុន និងកំពុងឈានទៅកាន់កម្រិតមួយផ្សេងទៀត និយាយទៅគេស្ថិតក្នុងចំណោមកីឡាករដែលល្អដាច់គេប្រចាំរដូវកាល”។
លោកសង្កត់ធ្ងន់៖ “កន្លងមកខ្ញុំក៏និយាយពីឈ្មោះមិត្តរួមក្រុមខ្ញុំច្រើនដែរ ហើយស្តាប់ទៅប្រហែលថាខ្ញុំលំអៀង តែសម្រាប់ Jack គឺខ្ញុំជ្រើសរើសគេយូរណាស់ហើយ”៕ ប្រភព៖ TalkSport
ប្រភព៖ TalkSport