ក្រុម FC Barcelona នៅយប់មិញនេះលេងបានត្រឹមស្មើជាមួយក្រុម Valencia ក្នុងលទ្ធផល ២-២ ប៉ុណ្ណោះសម្រាប់ការប្រកួតពានរង្វាន់ La Liga ។ក្រុមភ្ញៀវ Valencia ជាអ្នកនាំមុខបានមុនលើក្រុមអ្នកមានបុណ្យ Barcelona មុនពេល Messi រកគ្រាប់បាល់តាមស្មើបាននៅនាទី៤៥+៤ទៅហើយ។
ឈានដល់តង់ទី២ Barcelona រកគ្រាប់បាល់នាំមុខបានវិញម្ដង ដោយ Araujo នៅនាទី៥២ មុនពេល Gomez រកគ្រាប់បាល់តាមស្មើឱ្យ Valencia បានវិញទៀតនៅនាទី៦៩។ ចប់ការប្រកួត ក្រុមទាំងពីរស្មើគ្នា ២-២។
ក្រោយពីចប់ការប្រកួត លោក Ronald Koeman បាននិយាយថា៖ “យើងមានឱកាសខ្លះ ប៉ុន្តែយើងមិនបានផ្ដោតលើវានោះទេ។ យើងបានចេញទៅលេងនៅតង់ទី២ ដើម្បីឈ្នះ ប៉ុន្តែយើងមិនអាចបង្កើតឱកាសបានច្រើនតាមយើងចង់បានទេ។ កីឡាករក្មេងៗរបស់យើងត្រូវផ្ដោតអារម្មណ៍ខ្លាំងជាងនេះ ដើម្បីឈ្នះការប្រកួតសំខាន់ៗ”៕
ប្រភព៖ DailyMail