ក្រុមកាំភ្លើងធំ Arsenal បន្ដបរាជ័យក្រោមថ្វីជើងក្រុម Everton ក្នុងលទ្ធផល ២-១ ទៀតហើយសម្រាប់ការប្រកួតពានរង្វាន់ English Premier League ។ក្រុមរបស់លោក Arteta ពិតជាពិបាកមែនទែនក្នុងការស្វែងរកជ័យជម្នះនិងទម្រង់លេងល្អឡើងវិញ។
ជាក់ស្ដែងនៅយប់មិញនេះ ពួកគេបានបរាជ័យក្រោមថ្វីជើងក្រុម Everton ទៀត ដែលធ្វើឱ្យចំណាត់ថ្នាក់ក្នុងតារាងកាន់តែយ៉ាប់ទៅហើយ។ ដោយ១៤ប្រកួត រកបាន១៤ពិន្ទុនេះ ធ្វើឱ្យក្រុម Arsenal នៅមិនឆ្ងាយពីតំបន់កាត់ចោលខ្លាំងនោះទេ។
លោក Arteta អ្នកចាត់ការក្រុម Arsenal បាននិយាយថា៖ “យើងពិតជាមិនសប្បាយចិត្តឡើយជាមួយលទ្ធផល។ យើងបានព្យាយាមសម្រាប់ការប្រកួតនេះ ប៉ុន្តែលទ្ធផលមិនដូចការរំពឹងទុកទេ យើងត្រូវការសំណាងបន្តិច យើងបានត្រឹមបុកបង្គោលទីប៉ុណ្ណោះ។ ស្ថានភាពបច្ចុប្បន្ននេះជាមួយក្រុមរបស់យើង គឺពិតជាពិបាកក្នុងការដោះស្រាយហើយ”៕
ប្រភព៖ DailyMail