Carlo Ancelotti អ្នកចាត់ការក្រុម Everton កំពុងសម្លឹងឃើញខ្សែបម្រើ Sami Khedira របស់ក្រុម Juventus មករួមក្រុមនៅពេលខាងមុខនេះ ក្រោយពីរូបគេមិនសូវមានឱកាសលេងនៅអ៊ីតាលីឡើយ។
Ancelotti ធ្លាប់ធ្វើការជាមួយ Khedira កាលនៅដឹកនាំក្រុម Real Madrid ។ ដោយឃើញថាខ្សែបម្រើវ័យ៣៣ឆ្នាំនេះនឹងអស់កុងត្រានៅត្រឹមចប់រដូវកាលនេះ ទើបបានជាលោកមានបំណងនាំយករូបគេមករួមក្រុមតែម្ដង ហើយបច្ចុប្បន្នកំពុងទាក់ទងយ៉ាងជិតស្និទ្ធិបំផុត។ ក្រុម Everton អាចនឹងបើកការចរចានៅខែមករា ប៉ុន្តែបើតម្លៃ Juventus ដាក់ខ្ពស់ពេក នោះពួកគេនឹងរង់ចាំយក Free នៅចប់រដូវកាលតែម្ដង។
ក្រុម Everton ក្រោមការដឹកនាំរបស់លោក Ancelotti ឃើញថាអាចយកកីឡាករល្អៗមកច្រើនជាពិសេសអ្នកដែលធ្លាប់ធ្វើការជាមួយលោកកាលនៅ Real Madrid តែម្ដង។ កាលពីរដូវកាលដោះដូរកីឡាករ លោកបាននាំយក James Rodriguez មករួមក្រុមបានម្នាក់មកហើយ៕
ប្រភព៖ DailyMail