ខ្សែប្រយុទ្ធ Theo Walcott បញ្ជាក់ថាក្រុមកាំភ្លើងធំបច្ចុប្បន្នលេងហាក់ដូចជាខ្លាចៗ មិនបង្ហាញភាពខ្លាំងក្លាដូចមុននោះទេ។
Walcott រកបាន១គ្រាប់ឱ្យក្រុម Southampton ក្នុងការប្រកួតទល់ក្រុម Arsenal នៅយប់មិញនេះ។ ក្រោយពីរកបានគ្រាប់បាល់ទល់ក្រុមចាស់របស់ខ្លួនហើយ អតីតខ្សែប្រយុទ្ធជម្រើសជាតិអង់គ្លេសរូបនេះ បានមើលឃើញថាក្រុមកាំភ្លើងធំបច្ចុប្បន្នលេងមិនបានល្អដូចមុននោះទេ។ ពួកគេបានបង្ហាញឱ្យឃើញពីភាពខ្លាចៗក្នុងការប្រកួត។
កីឡាករវ័យ៣១ឆ្នាំខាងលើនេះបាននិយាយបែបនេះទៀតថា៖ “ខ្ញុំមិនច្បាស់ទេ ថាសម្ដីរបស់ខ្ញុំនេះពិតឬអត់ ប៉ុន្តែខ្ញុំមានអារម្មណ៍ថាខ្ញុំមើលឃើញថាពួកគេលេងខ្លាចៗ”។ រំលឹកថា Walcott ជាកីឡាករមានបទពិសោធច្រើនជាមួយក្រុមកាំភ្លើងធំ។ រូបគេលេងឱ្យក្លឹបនេះតាំងពីឆ្នាំ២០០៥ដល់២០១៧ ពោលគឺមានរយៈពេលដល់១២ឆ្នាំឯណោះ៕ប្រភព Goal
