នៅការប្រកួតជុំទី ១២ សម្រាប់ Barcelona និងជាជុំទី ១៤ សម្រាប់ Real Sociedad កាលពីយប់មិញ បានបញ្ចប់ទៅហើយ ដោយជាលទ្ធផលក្រុមម្ចាស់ផ្ទះយកឈ្នះលើក្រុមភ្ញៀវ ២-១។ ការយកបាន ៣ ពិន្ទុ រុញឲ្យអ្នកមានបុណ្យឡើងឈរលេខ ៥ ហើយ Sociedad ចុះមកលេខ ២ និងជាឱកាសរុញឈ្មោះ Atletico ឡើងកំពូលតារាង។
Barcelona បានប្រើប្រាស់ប្រព័ន្ធលេង ៤-២-៣-១ កាល ពីយប់មិញ ដែលរុញឲ្យពួកគេមានឱកាសវាយសម្រុកច្រើន តែខាង Sociedad ក៏មិនណយដែរ ដោយស៊ុតចំចេញ ១២ លើក ចាញ់ម្ចាស់ផ្ទះតែ ២ លើកប៉ុណ្ណោះ។
នៅនាទី ២៧ Willian Jose ជាអ្នករកបានគ្រាប់បាល់បើកឆាកមុន ប៉ុន្តែរំលង ៤ នាទីស្រាប់តែ Jordi Alba រកបានមួយគ្រាប់តាមស្មើ ហើយមុនបញ្ចប់តង់ទីមួយប៉ុន្មាននាទី Frenkie de Jong រកបានមួយគ្រាប់ទៀត។ លទ្ធផលនេះបានរក្សាដល់បញ្ចប់តង់ទីពីរ៕
ទស្សនាវីដេអូខាងក្រោម៖