ខ្សែបម្រើឆ្នើមរបស់ក្លឹប Bayern Munich គឺកីឡាករ Leon Goretzka បានប្រាប់ថា កន្លងមកមានក្លឹបហង្សក្រហម Liverpool ចង់បានរូបគេ កំឡុងពេលគេលេងនៅក្លឹប Schalke តែគេបានបដិសេធនិងបន្តរួមរស់នៅក្របខ័ណ្ឌ Bundeliga។
ប្រាប់សារព័ត៌មាន The Athletic ខ្សែបម្រើ Goretzka និយាយថា៖ “Liverpool ក៏ស្ថិតក្នុងការពិចារណារបស់ខ្ញុំដែរ ព្រោះពួកគេជាក្លឹបដ៏ល្អមួយ ហើយតាំងពីការអភិវឌ្ឍពេល Klopp ចូលមកគឺពិតជាអស្ចារ្យខ្លាំង”។
គេបន្ថែមទៀតថា៖ “ដោយយើងពិតជាមានមោទនភាពដែល Klopp បានឈ្នះពានរង្វាន់ តែខ្ញុំក៏គិតយូរហើយដែរអំពីការសម្រេចចិត្ត និងចុងក្រោយខ្ញុំច្បាស់លាស់ ១០០ ភាគរយថាការជ្រើសយក Bayern គឺជាការបោះជំហានដ៏ត្រឹមត្រូវ”។
រំឭកថាកីឡាករវ័យ ២៥ ឆ្នាំ បានឈ្នះពានរង្វាន់ ៣ ក្នុងឆ្នាំតែមួយជាមួយ Bayern នៅរដូវកាលមុន មានដូចជា Bundesliga, DFB Cup និង UEFA Champions League៕ ប្រភព៖ SoccerLaduma