នៅវេលាម៉ោង ០៣:០០ នាទីរំលងអាធ្រាត្រឈានចូលព្រឹកថ្ងៃព្រហស្បតិ៍ ក្រុមមាន់ខ្នាយមាស Tottenham នឹងត្រូវចូលជួបម្ចាស់ដី Liverpool នៅក្របខ័ណ្ឌ Premier League ដែលមានផ្សាយផ្ទាល់លើទំព័រ CTS Sports។
មុនឈានដល់ការប្រកួតអ្នកចាត់ការក្រុមទាំងពីរ បានបង្ហាញការយល់ឃើញពីស្ថានភាពនិងបង្ហាញពីទំនុកចិត្តសម្រាប់ប្រកួតដ៏សំខាន់នេះ ព្រោះសុទ្ធតែជាក្រុមឈរកំពូលតារាង មានពិន្ទុស្មើគ្នា។
បង្វែរទៅលោក Jurgen Klopp បាននិយាយថា Spurs មានប្រព័ន្ធការពាររឹងមាំ និងពូកែលេងបាល់ Counter Attack ខ្លាំងណាស់។ ប្រាប់មុនការប្រកួត អ្នកចាត់ការសញ្ជាតិអាល្លឺម៉ង់និយាយ៖ “Tottenham មានគុណភាពសមជាក្រុមកំពូលមួយ ដោយពេលបាល់នៅនឹងពួកគេ គឺពួកគេបានបង្ហាញមកហើយ“។
លោកសង្កត់ធ្ងន់៖ “ហើយលើសពីនេះ គឺ Spurs មានប្រព័ន្ធការពារដូចជាក្រុមកំពូលមួយអ៊ីចឹង និងចង្វាក់នៃការលេង Counter Attack ក៏អស្ចារ្យខ្លាំងដែរ ដោយមានស្ថានភាពជាច្រើនដែលពួកគេត្រូវការបញ្ជូនបាល់ ៣ ប៉ះប៉ុណ្ណោះ ដើម្បីឆ្លងដល់ប្រអប់ទី“៕
ប្រភព៖ Goal