Lionel Messi បានក្លាយជាកីឡាករ FC Barcelona លើកពានរង្វាន់ច្រើនជាងគេនៅក្នុងក្លឹបនេះ ក្រោយពីលើកពាន Spanish Super Cup កាលពីយប់មិញ។
Barcelona បានយកឈ្នះលើក្រុម Sevilla ក្នុងលទ្ធផល ២-១ លើកពាន Spanish Super Cup ត្រៀមសម្រាប់រដូវកាលថ្មី។ ស្របពេលដែលយប់មិញនេះគឺជាពានរង្វាន់ទី៣៣ហើយ ដែល Messi បានលើកនៅ Barca ហើយវាក៏បានធ្វើឱ្យកីឡាករអាហ្សង់ទីនក្លាយជាកីឡាករលើកពានរង្វាន់ច្រើនជាងគេបង្អស់នៅក្នុងក្លឹបនេះផងដែរ។ ខណៈដែលកំណត់ត្រាចាស់នេះ កាន់កាប់ដោយ Andres Iniesta មានត្រឹមតែ៣២ពានរង្វាន់ប៉ុណ្ណោះ។
ចំពោះរឿងបង្កើតកំណត់ត្រាថ្មីនៅក្លឹប Barcelona នេះដែរ លោក Ernesto Valverde បាននិយាយថា៖ “ខ្ញុំមិនដឹងថា Messi មានអារម្មណ៍យ៉ាងណានោះទេ។ ប្រសិនបើមាននរណាម្នាក់អាចធ្វើបានដល់គាត់ បង្កើតប្រវត្តិក្នុងក្លឹបមួយ គឺជារឿងអស្ចារ្យណាស់។ វាពិតជាមិនគួរឱ្យជឿ គាត់បានឈ្នះពានជាមួយ Barca បាន៣៣ពានរង្វាន់ ហើយគាត់នឹងបន្ដឈ្នះពានទៀតនៅពេលខាងមុខ”៕ប្រភព៖Espn
