ក្រុមតោខៀវ Chelsea បានចាប់គូប៉ះជាមួយក្រុម Atletico Madrid របស់អេស្ប៉ាញ សម្រាប់ការប្រកួតវគ្គ១៦ក្រុមចុងក្រោយពានរង្វាន់ UEFA Champions League ។
សម្រាប់ការប៉ះគ្នានេះដែរ ត្រូវបានលោក Lampard អ្នកចាត់ការក្រុម Chelsea មើលឃើញថាក្រុមរបស់ខ្លួននឹងត្រូវធ្វើការធ្ងន់ហើយ ព្រោះនេះជាការប្រកួតសំខាន់និងពិបាកមួយ។ ដោយសារតែក្រុម AT Madrid ជាក្រុមខ្លាំងនៅអេស្ប៉ាញ ជាពិសេសមានបទពិសោធច្រើនណាស់ក្នុងពានរង្វាន់ UEFA Champions League នេះ។
Lampard បានអះអាងថា៖ “វាជាការប៉ះគូប្រកួតខ្លាំងមួយប្រាកដណាស់។ AT Madrid ជាក្រុមល្អរបស់អេស្ប៉ាញ ប៉ុន្តែយើងក៏ត្រូវត្រៀមជាស្រេចសម្រាប់ការប្រកួតតានតឹងនេះដែរ តាមដែលអាចធ្វើបាន។ ប្រសិនបើអ្នកត្រូវចូលប្រកួតនេះហើយ អ្នកត្រូវតែតាំងចិត្តថាខ្លួនអាចធ្វើបាននិងយកឈ្នះការប្រកួត”៕
ប្រភព៖ DailyMail