Raiola ភ្នាក់ងារទីផ្សារម្នាក់ បានអះអាងថាខ្សែប្រយុទ្ធ Zlatan Ibrahimovic អាចនឹងលេងដល់អាយុ៥០ឆ្នាំឯណោះ ជាមួយទម្រង់យ៉ាងល្អរបស់គេ។
Zlatan កំពុងធ្វើបានល្អណាស់នៅក្រុម AC Milan ដែលជួយឱ្យក្រុមនេះឈរនៅកំពូលតារាង និងឈរជាអ្នករកគ្រាប់បាល់បានច្រើនជាងគេម្នាក់ផងដែរ។ ជាមួយគ្នានេះដែរ ត្រឹមវ័យ៣៩ឆ្នាំនេះ ខ្សែ ប្រយុទ្ធសញ្ជាតិស៊ុយអែតក៏មិនទាន់មានបំណងចង់ចូលនិវត្តន៍ពីវិស័យបាល់ទាត់ឡើយ ព្រោះរូបគេគិតថានៅអាចលេងបាន។
ជាមួយគ្នានេះដែរRaiola ភ្នាក់ងារទីផ្សាររបស់ Zlatan បាននិយាយដែរថា៖ “ខ្ញុំបានឃើញកីឡាករជាច្រើននៅត្រឹមវ័យស្មើ Ibrahimovic នេះ គឺបានចូលនិវត្តន៍ហើយ។ ខ្ញុំមិនដែលឃើញគាត់នឿយហត់ឡើយក្នុងការប្រកួត។ សម្រាប់ខ្ញុំគាត់នឹងអាចលេងបានច្រើនទៀត អាចដល់អាយុ៥០ឆ្នាំក៏បាន”៕
ប្រភព៖ Goal