ខ្សែប្រយុទ្ធ Erling Haaland បានខ្លួនមិនទាន់ចង់ចេញទៅណាទេ ព្រោះបច្ចុប្បន្នកំពុងសប្បាយចិត្តនៅក្លឹប Dortmund ។
មានក្លឹបជាច្រើននៅបច្ចុប្បន្ននេះ កំពុងទាក់ទងទិញយក Haaland ពីក្រុម Dortmund ក្រោយពីរកឃើញរូបគេកំពុងលេងបានល្អ ជាពិសេសការបញ្ចប់ទីតែម្ដង។ ដោយមើលឃើញថាមានក្លឹបចង់បានច្រើននេះហើយ ទើបសាមីខ្លួនចេញមុខមកបញ្ជាក់ថារូបគេកំពុងសប្បាយចិត្តនៅក្លឹបអាល្លឺម៉ង់នេះ ដោយមិនទាន់គិតពីការចាកចេញអ្វីនោះទេ។
Haaland បាននិយាយថា៖ “ខ្ញុំទើបបានមក Dortmund ១ឆ្នាំទេ ហើយខ្ញុំសប្បាយចិត្ត សប្បាយចិត្តក្នុងការនៅទីនេះ។ រឿងចង់ចាកចេញគឺជាការចុះផ្សាយប៉ុណ្ណោះ ប៉ុន្តែខ្ញុំមិនដែលបាននិយាយពីវានោះទេ”៕
ប្រភព៖ Marca