ក្លិបឈរកំពូលតារាង Thai League 1, BG Pathum United និងក្លិបចំណាត់ថ្នាក់លេខ២ Port FC កាលពីម្សិលមិញបានបញ្ជាក់ពីកៅអីរបស់ពួកគេនៅក្នុងវគ្គចែកពូលនៃពានរង្វាន់ AFC Champions League ឆ្នាំ ២០២១ បន្ទាប់ពីពួកគេឈរចំណាត់ថ្នាក់កំពូលតារាងក្នុងលីគកំពូលថៃគិតត្រឹមចប់ជើងទីមួយនេះ។
ទោះបីជានៅសល់ ១ ប្រកួតទៀតសម្រាប់ការប្រកួតជុំទី ១ នៃលីគកំពូលថៃក៏ដោយក៏ក្រុម BG Pathum United បានបញ្ជាក់ពីជំហររបស់ខ្លួនក្នុងនាមជាក្រុមកំពូលតារាងដោយ ៣៨ ពិន្ទុក្នុងដៃ បន្ទាប់ពី ១៤ ប្រកួតខណៈ Port FC ប្រមូលបាន ៣៤ ពិន្ទុ។ ចំណែកក្រុម Ratchaburi Mitr Phol FC និងក្រុម Chiangrai United ដែលឈរចំណាត់ថ្នាក់លេខ ៣ និងលេខ ៤ ពួកគេកក់សំបុត្រទៅប្រកួតវគ្គជម្រុះ Play-off នៃពានរង្វាន់ AFC Champions League រដូវកាលក្រោយដូចគ្នា។
ការបង្ហាញខ្លួនរបស់ក្រុម BG Pathum United នៅរដូវកាល ២០២១ គឺជាលើកទី ២ សម្រាប់ពួកគេ បន្ទាប់ពីលើកចុងក្រោយដែលពួកគេបានលេងនៅក្នុងការប្រកួតពានក្លឹបលំដាប់អាស៊ីនេះក្នុងឆ្នាំ ២០១៥ (កាលនោះឈ្មោះថា Bangkok Glass FC)ដោយ បានផ្តួល Johor Darul Ta’zim ៣-០ ។ ។ មុនពេលធ្លាក់ដោយសារក្លិបចិន Beijing Guoan ក្នុងវគ្គ Play-off round ។
សម្រាប់ Ratchaburi Mitr Phol នឹងទទួលបានបទពិសោធន៍លើកដំបូងនៅក្នុងការប្រកួតកម្រិតទ្វីបនេះ ហើយពិតជាផ្តល់នូវបទពិសោធន៍ដ៏អស្ចារ្យសម្រាប់ពួកគេនាពេលអនាគត។ អ្នកខ្លះនៅតែមិនទាន់ដឹងថាប្រទេសថៃទទួលបានកៅអី AFC ៤(២+២) បន្ទាប់ពីពួកគេឡើងឈរពីលើប្រទេសអូស្ត្រាលីក្នុងចំណាត់ថ្នាក់លេខ ៤ ក្នុងតារាងចំណាត់ថ្នាក់ AFC MA Ranking East Asia ដែលនឹងបន្ថែមកៅអីនេះ។ ក្រុមដែលទទួលបានកៅអីលេងវគ្គជម្រុះក្នុងពូលតែម្ដងមាន៖
- Thailand: BG Pathum United, Port FC
- Malaysia: Johor Darul Ta’zim FC
- Vietnam: Viettel
- Philippines: United City FC
- Singapore: Tampines Rovers