ក្លឹប Borussia Dortmund បានប្រកាសដកលោក Lucien Favre ចេញពីតំណែងអ្នកចាត់ការក្រុមហើយ បន្ទាប់ពីលោកបានដឹកនាំក្រុមចាញ់ Stuttgart ក្នុងលទ្ធផល ៥-១ នៅចុងសប្ដាហ៍កន្លងទៅ។
ក្រោយពីប្រកាសដកអ្នកចាត់ការនេះភ្លាម ក្លឹបក៏បង្ហើបថាពួកគេបានយល់ព្រមយកលោក Marco Rose មកដឹកនាំក្រុមបន្ដទៀតដែរ។ បុរសវ័យ៤៤ឆ្នាំរូបនេះកំពុងដឹកនាំក្រុម Borussia Monchengladbach ប៉ុន្តែ Dortmund បានកក់លោករួចជាស្រេចហើយក្នុងការចូលដឹកនាំក្រុមនៅរដូវកាលក្រោយនេះ។ ដោយនៅសល់រដូវកាលនេះ នឹងឱ្យគ្រូជំនួយ Edin Terzic ដឹកនាំបន្ដសិន។
ការសម្រេចចិត្តបណ្ដេញលោក Lucien Favre ចេញភ្លាមៗនេះ ក៏ព្រោះតែក្រុម Dortmund លេងអន់ពេកក្នុងលីគអាល្លឺម៉ង់ ដោយពួកគេឈរនៅលេខ៥ក្នុងតារាង លេង១១ប្រកួត ទើបមាន១៩ពិន្ទុប៉ុណ្ណោះ៕
ប្រភព៖ DailyMail