ខ្សែប្រយុទ្ធ Cristiano Ronaldo រកបាន២គ្រាប់ម្នាក់ឯងជួយក្រុម Juventus យកឈ្នះលើក្រុម Genoa ក្នុងលទ្ធផល ៣-១ សម្រាប់ការប្រកួតលីគកំពូលអ៊ីតាលី។
សម្រាប់ការប្រកួតនេះ Dybala បានបើកការនាំមុខឱ្យក្រុមសេះបង្កងមុននៅនាទី៥៧ ប៉ុន្តែ៤នាទីបន្ទាប់មកក៏ស្រាប់តែ Sturaro រកគ្រាប់បាល់តាមស្មើវិញបាន។ ការប្រកួតឈានដល់នាទី៧៨ ក៏ស្រាប់តែ Ronaldo ទទួលបានប៉េណាល់ទី១គ្រាប់ បើកការនាំមុខជាថ្មី មុនពេលថែមប៉េណាល់ទី១គ្រាប់ទៀតនាទី៨៩ ជួយក្រុម Juventus ឈ្នះ ៣-១តែម្ដង។
លទ្ធផលបាន៣ពិន្ទុបន្ថែមទៀតនេះដែរ បានធ្វើឱ្យក្រុម Juventus មាន២៣ពិន្ទុឆ្លងកាត់១១ប្រកួត ឈរនៅលេខរៀងទី៤ក្នុងតារាង Serie A ។ ស្របពេល Ronaldo វិញ បានឈរនៅកំពូលតារាងអ្នករកគ្រាប់បាល់បានច្រើនជាងគេនារដូវកាលនេះហើយ ដោយមាន១០គ្រាប់៕
ប្រភព៖ DailyMail