ខ្សែប្រយុទ្ធ Lionel Messi រកបាន១គ្រាប់ ជួយក្រុម FC Barcelona យកឈ្នះលើក្រុម Levante ក្នុងលទ្ធផល ១-០ សម្រាប់ពានរង្វាន់ La Liga នៅយប់មិញនេះ។
ក្រុមអ្នកមានបុណ្យបានសម្រុកខ្លាំងមែនទែនទៅលើក្រុមភ្ញៀវ Levante ដើម្បីស្វែងរកគ្រាប់បាល់ ប៉ុន្តែសម្រាប់តង់ទី១ គឺមិនអាចបានផលឡើយ។ ការប្រកួតត្រូវរង់ចាំរហូតដល់នាទី៧៦ ទើប Messi អាចស្វែងរក១គ្រាប់ជួយក្រុមយក៣ពិន្ទុបាន។ ជ័យជម្នះនេះដែរ ក៏បានធ្វើឱ្យក្រុម Barcelona បន្ថយគម្លាតជាមួយក្រុមកំពូលតារាងផងដែរ។
ក្រុម Barcelona កំពុងឈរនៅលេខ៨ក្នុងតារាង La Liga ដោយមាន១៧ពិន្ទុឆ្លងកាត់១១ប្រកួត និងមានគម្លាត៩ពិន្ទុពីក្រុមកំពូលតារាង Real Sociedad ។ យ៉ាងណាមិញ ក្រុមលោក Koeman នៅសល់២ប្រកួតក្នុងដៃទៀត ដូច្នេះប្រសិនបើពួកគេធ្វើបានល្អ នោះគម្លាតមិនឆ្ងាយពីគ្នាឡើយ៕
ប្រភព៖ DailyMail